كل يتوق لموطنه 258 عسى الله يجزى من جمعنا بنو الخير عنينا وجينا من بعيد على شأنه قطعنا بعيد الدار له حشمة وتقدير اخص لبو منصور ما حن بخوانه وفا بالمراجل كلها ما حصل تقصير عسى الله يجازي فاعل الخير بحسانه أنا داري ما هو بشف له التأخير تجبره الظروف اللي بها الناس بلشانه تقافوا هل المصياف كل نوا بالسير وراعي البيون المجرو صك بيبانه وكل يتوق لموطنه مثل توق الطير وحتى الوحش لو حام بيعود لأوطانه مشينا من الطايف وكل شفوفه غير وكل تذكر دار ربعه وخلانه أعبر عن اللي في قلوب العرب تعبير وما حس به الانسان ينطق به لسانه أرب السفينه يا طويل العنر بتسير تجاه الرياض يوجه السير ربانه سقى الله نهار فيه محداركم يا أمير وكل على سيارته شال غرضانه على اللي تسخر لك بعيد الدير تسخير تقرب بعيد الدار من دار حيانه ويا زين ممشاها إلا حدرت تحدير قد العارض المنقاد هذيك ضلعانه عقد نية المحدار واللي بيصير يصير وكل النفوس اليوم طربه وفرحانه نقول الحكي والا انت من عندك التدبير ويحفظك رب ثبت البيت وأركانه مراح العرب من عندنا صار له تأثير راعي الحزن الاول جددوا ماضي احزانه له العز بيت فيه كل الوصوف تحير ويسلم الأمير اللي تكلف ببنيانه هو اللي بناه وصمم البيت بالتفكير مكان يشوق العين شكله وبستانه إلا صرت فيه وهبت النود وقت أعصير تهب النسيم بريح ورده وريحانه إلا مره القمري وهو في سماه نغير يوقف حمام الورق ويرجوع الحانه سمعت الحمام وكان قبل الحمام بخير يغني بصوته لي ويصفق بجنحانه وياتل قلبي تل دلو هوى بالبير قليبه طويل وضفه الدلو مليانه ندور لوافي الهرج ونخلي التكثير نخلي هزيل الهرج وندور اسمانه عسى الله يسمح كل دربك على التيسير يسهل طريقك خالق الخلق سبحانه
ملحمة نجران