لا تهين النفس حتى على شان الحياه

مُت بعز افضل من الذل والعمر الطويل

ولا تقول ان فرق لفعال من فقر وغناه

كم غني واطي وفقري يطول المستحيل

وانتبه لا تاخذ الشور من راعي عياه

يحرمك من كل علمٍ يقودك للجميل

خذعلومك من هل العرف متقنت الصلاه

من يخاف الله يدلك على الشور الدليل

وصاحب اللي تقتنع في سلوبه من وفاه

وان قست ليام مايختلف ولا يميل

وصف له نيتك ولا تعذرب في قفاه

الوفاء مطلوب يراعي الشبر الطويل

ولتمس قاسي ظروفه ولا تبحث خفاه

وان بدت لك حاجته جُد ولا تبقا بخيل

العرب تنحد والله لنا ولا سواه

وانتبه من دقة النفس والمزح الثقيل

عاشره بالطيب ولا تعاكس فرض اراه

وجْهه بسلوب ليجاك بالراي المعيل

ادركه لين يتراجع ويسلك لتجاه

الخوي الذرب تبطي ماتلقاله بديل

كل شي له وقت لا بد ياصل منتهاه

واخرالدنيا تفرق عميلٍ من عميل