يا الله يا مطلوب يا اللي على الأمة رقيب 

   يا الله يا اللي جمعة الناس في رجوى عطاه

ابن باصم بادي وهاض له قاف عجيب 

   يحسب أنه طربة القلب وأثره من عناه

فوح قلبي فوح قدر تزايد باللهيب   

   وقدوا تحته بنار وسجى اللي احتضاه

ودمع عيني مثلي قاطور مجذوب الجليب   

   لي زفق مجذوب دلوه ويقطر من جباه

كون قلبي ماكنٍ ما شذا فيها الطبيب  

  في مكان مخطرٍ في فوادي مستواه

والله ما يبري الصدى من ضميري واللهيب  

  كون يومٍ عند حداننا يقدح بلاه

ونتي ونة حبيس مهاوي له صحيب  

  صكت البيبان دونه ولا حي نباه

أو يتيم لي تحاكى فعبراته قريب   

تايهٍ لا له صديق ولا حي بزاه

من نشدني قلت أنا سامح معي صحيب  

منوتي قد صدتها والمعاشق ما نباه

أحلى من عشقة البيض دوار الذهيب  

  ما أحلى قص أثرها عقب سيلٍ في نداه

وأحلى منهم نبات الحيا عقب الجديب  

وتبعة الطرعات في وادي ربي سقاه

وأحلى منها على الجيش جرات اللعيب  

عقب ما هي في الطوارف تقصوت بمغزاه

وأحلى من عشقت البيض مرقاب تعيب  

وقنص جل الصيد في الغر سعد اللي رماه

وأحلى منهم مجالس ولد عمٍ قريب  

  سعد ربعه لي بدى شانهم واللي بزاه

وأحلى من عشقت البيض صفقات الحريب 

  في مكان مبرح للمواجه ما أحلاه

ذيب ثار لي عوى بيعوي له كل ذيب  

وكل ذيب لي عوى بتعاوى له جراه

وذيب صنخ لي عوى لاحناه راعي طريب  

ولاحناه راعي العلم والتحق راع الشراه