من دوحة الخير من ديرة ابن ثاني

حنا عنينا وجينا لدار اخو نوره

هي دارنا الثانيه هي مزبن العاني

يالله عساها من الاصداف ماجوره

وانا عن ربعي الاقصين والداني

جيتك اهني واشارك حفلٍ اسطوره

الشعر في جاهكم اخذه من داني

وابيات شعري عن الرديان محظوره

سلام مني عدد ماهلت امزاني

واعداد حصماه من مكه لتنوره

للشيخ ابن عايد المسى قهيداني

ابو علي عايد اللي طيبٍ دوره

مجار من شرها ياطير حوراني

صكات بقعا مع المشفى ودكتوره

وتخفيف ذنب وخير بكل ماكاني

وتدخله في جنة الفردوس وقصوره

يالله عسى ديرته بالغيث وداني

دار الكرم والمروَه دوم ممطوره

افعوله الطيبه اللي تطلق الساني

وتجبرني اجيه واهنيه وازوره

شيخ على فعل ماهو ضحك صبياني

وقفاته الطيبه بعلوم ماثوره

اللي الا من حضر والناس شيخاني

العلم علمه وعاد الشور هو شوره

مقدم بالاماره ورث جداني

ماهي اماره جديده كنها الصوره

كم جاه من واحد في دنيته جاني

مطلوب قومٍ بكل اوقاتها تدوره

انجاه باذن الولي من كل شيطاني

بجاهه ووجه ثم اردف له بميسوره

وكم من عجوز ولدها خلف قضباني

جاته وفي صدرها غيض ومروره

قد جات غيره من وجيه لها شاني

سوو بها لعبة الصبيان بالكوره

قال ابشري به ولو يكون من كاني

واطلقه ثم عودت فرحه ومسروره

وكم ضعيف عليه الحال متداني

جارالزمن فيه لين ارداه بحفوره

جاه وشكى الحال في حاله ووغداني

واقفى وهو يشكره والحال مستوره

ريف على الجار والجاره كحيلاني

وكريم سبلا مايمناه مبتوره

عادته يلطم خصومه بام تيجاني

ان جات بالراس والا فاريٍ زوره

المدح لمثل عايد دوم يقناني

الراية البيضا لمثله دوم منشوره

شيخ ولا اهثم اخوانه كل ديقاني

باعلومهم الطيبه ماهي بمقصوره

وخلان الاشده مثل سهيل لاباني

خلًد لها المجد حروفٍ دوم مسطوره

للضيف تذبح الحيران والضاني

وعند اللقا تضرب الغازي بحنجوره

وكل القبايل لها دور ولها شاني

نعمٍ بهم ماهثمهم كلً بدوره

والختم على نبينا نسل عدناني

ازكى الصلاوات والتسليم مسطوره