قال من هو لابغى الشعر يرقى به سنود

ماتضعضع قاف بيته من الهزل يحماه

الشعر في مثل ذا اليوم قوله مايكود

خص في ذكرى المؤسس ولا فيه اشتباه

افرحي يادار والعُوُد في عين الحسود

دام ربان السفينه تسلسل من جناه

يرحم الله من بناها بعزمه والجهود

جاسم اللي اسس الحكم ويصد العداه

تشهد الوجبه على الخيل والعالم شهود

قاد سلفان الطوابير في وجه الغزاه

والبدع يشهد بفعله مع الغازي اللدود

لين قفى هارب يقول يالله بالنجاه

وتشهد الوكره والأفعال للجيش الحشود

والنصر من عند ربي تحقق مبتغاه

اسس المِلَه على الدين دستور وبنود

من كتاب الله وسنة محمد واصحباه

وحَد العربان بالدين واخلاقٍ تسود

لين صارو في يمينه سيوف ماتعصاه

من العديد الى الزباره شمال وهو صمود

ومن بحر سلوى لحالول شرقٍ قد حماه

يرحم الله جاسم اللي تسلسل من جدود

ارث اللي سار بعده على منهج اباه

ومانسينا الوالد الأب مافينا جحود

ذاك ابو مشعل عسى الله يسعد له حياه

قادها عبر المجره يسود وهي تسود

لين صارت درة الخير في كل اتجاه

ثم جات لسيدي بو حمد وافي الوعود

بالأمانه شال داره وشعبه من وراه

ياتميم الخير والخير من كفك يزود

انت فخر الدار والفخر لمثلك قد زهاه

انت غيث ساقه الله مغيث للكبود

واثمر بالاشجار والطير غرد في الفلاه

انت رمز الدار والشعب من خيرك يجود

وانت ذخر لمن نصاكم الى وقته حداه

ياذرانا من العواصف وبركانٍ الحيود

انت النا ظل ظليل من الحر ولظاه

تشبه سهيل اليماني والَا سعد السعود

او كما نجم الوسامي الا انشى وهل ماه

حن لكم درع حصين الى هاب الشرود

وانتم النا واسط البيت وحجاب وذراه

وحن لكم سيف على الضد شيله مايكود

وانتم النا عيلم من عطش بلة شفاه

قلتها واحنا على العهد والله معبود

ال مره ويام والعهد موثوقه اعراه

الولا لك ثم للدار يانسل الفهود

والدعاء لك تالي الليل وايضاً بالصلاه