ياللي تقولو القاف ماهو بمنحوت

جملة كلام مصفف بالحواشي

اما تجيبونه معذاَ ومسموت

والا اهجدو وخلو الشِعر بالبراشي

الشعر ماهو صفصفة حكي وبيوت

ومن اين ماوجهتها قلت ماشي

الشعر فن وذوق كنه بريموت

ماهو مطبق من مطاعم محاشي

كم شاعرٍ مامات شِعره وهو موت

وكم شاعر حيٍ وقافه ماعاشي

وكم شاعر قوله غدا للعرب قوت

شهد العسل ومحكمٍ بالغراشي

من زين قافه ودك تجر به صوت

كنه على علة خوافيك ناشي

وكم قاف شعر اطلق ارقاب من موت

راعيه مايطلب بنظمه عراشي

والصمت حكمه من الشِعر بعض لوقوت

لاصار يلحق صاحبه شر فاشي

وبعض شواعير العرب زينها سكوت

اخير من هرجٍ صاحبه به خباشي