المفرش الدافي 184 ياهيه يالي تقول ان مفرشك دافي ارفق بحالك علام الحال مِشقنِه خلك من الناس مرتاحٍ ولك كافي لاتتعب القلب مع ناس تهدِنِه مايدري ان الردى ماينفعه رافي سراب قيعه ضمانه مارتوى منه ومادام راسي يشم النود متعافي الطيب فعله علي فرضٍ مهو سِنه لامن زهمني ضعيف القوم لسنافي ارقى به طويق ماني مخلفٍ ظنه عشان لامن غدا لحدي هو الحافي تدعي لي الناس واهل الخير بالجنه ولاصار ذكري تبين ماهو بخافي ادراه من كلمة ابن فطيس بالدّنّه جعل الردي جرته يقفي بها السافي اللي يشوف المراجل ثم تعدّنّه بيته من اخوان شما دايمٍ عافي وماله لغير العوز بالحيل معطِنِه ينام مرتاح طرفه دايمٍ غافي ماهمه اللي عنى صوبه يردّنِه يالله تكافي شرور الوقت ياكافي وتعين منهو ظروف الوقت حدنه ياهيه ياللي تقولان مفرشك دافي دفاي دعوة ضعيفٍ لي نفعتّنِه
ملحمة نجران