من اولٍ منزلك بقلبي ياويش انت

كنك ملايين الذهب بالمصارف

ياصاحبي ماشنت بك وانت بي شنت

وقت قضى لاعاده الله وعارف

عارف سبب ماقلت لوكان ماسلت

وصلت نهاية وقتنا للمشارف

من اولاً اغليك وايامها كُنت

تسوى حياتي والاهل والمعارف

واليوم ماتسوى ولاشي لاحسنت

من بعد حبٍ لك كما السيل جارف

اقفيت منك واحمد الله تطمنت

بلاش تحلم بي وحذرا تهارف

ومن الكلام اللي سمعته تشيمت

والا الردود اللي تهدك طوارف

لوقلت من غيض العلوم وتمكنت

عودت لاصلك مثل ماجيت دارف

وترى الزمن دوار ياهيه يابنت

مثل النخل في ثمرته والمخارف

وانااحمد اللي عاضني فيك وايقنت

انها السلامه منك جت في مظارف