ياشوط سلم لي علي الهجن السباق

واختص لي حمراً لها طبع اللحوق

اتبشرك بالفوز راسن واختراق

بعد الظهر والا قبل ياتي شروق

كنها عنود الصيد وابيها البراق

واماتها فيها المزاين والغبوق

تدجر علي صوت المنادي والصعاق

تقول متعاطي من اصناف النشوق

ماهي بتالي الدوره احرقها المساق

والا علي ماقالو اهل البل سحوق

ياتي من الغالين حتى في النياق

والناس كل مجربٍ فعلة يشوق

مركاضها بين الهجن يعطي مذاق

مذاق نو الصيف واشعال البروق

تعطي مظمرها علي العليا وفاق

واتيامها تعطيه من ظنه وفوق

اتسير وسط الشوط من غير احتراق

تكتيك لين تروح مرواح السروق

اتحمّل اللي بعدها مالا يطاق

وجنوب سابقها تعجزها الحروق

ماني مخصصها علي حمراً حقاق

في كل عزبة مايناولها الفروق

من حد نجرانٍ جنوب الي العراق

كلن يقلد سابقة في الشوط طوق

لله يخلي من جعل للبل مذاق

واصحابها من بعد ماداوى الفتوق

سلمان ومحمد بنو للعز طاق

الله يرفع شانهم من كل عوق

اخبار ناديها علي واسع نطاق

تذيعة الاخبار واستافا الحقوق