اتعبوني ذا النشاما بالرسايل

مادرو عن حالتي ذا الليل حالة

مادرو اني قبلهم رسمي دوايل

شاربن كاس الهوا حتى الثمالة

العهد عندي علي عوج النحايل

ناحته نحت الموسي في جبالة

والعهد يلزم كريمين السبايل

والمقفي جعل مافالي بفالة

العلوم الها علي مثلي دلايل

والكلام يصاغ لي حصل مجاله

مادري ويش اللذي جاب المثايل

لين دار الفكر في مثل المحالة

مرتن جوي مثل غبرا محايل

ومرتن تمطر علي غيمه صلالة

غادي كنها تصاليني ملايل

والعرب كلن علي ليلاه داله

السلوم اللي تسلفها القبايل

من عطاها مايحوق الا جماله

الخيول اسرار والهجن الاصايل

والمرابط تختلف فيها السلالة

والظبىٰ ماقلدوها بالشمايل

ذكرها مابين رضوا والمحاله

يتعب القناص يرقا كل طايل

والمقظي سلعته وسط البقاله

الخلاص الزين والبرحي نقايل

يكتنزها العود يرثها عياله

والزمان اللي علي ذالناس مايل

مايدوم الا لمن جلا جلاله

بينن علمي ولو ماكنت قايل

الزمن يرخي عضود اهل الشكاله