كان العرب مع الذياب اتشابه

فنشهد انه ذيب بااللحم ضاري

يدوس باالقدمين في كل غابه

باالحضرميه والفشق والسواري

مامن رفيع انقد رقاه وبدأ به

واليوم واقف عند حده إجباري

ليت العمر يشرا وندفع احسابه

ونسوق له فقيرنا والتجاري

والله لو اطلب مالحقني طلابه

لكون ابيع الثوب واسير عاري

عمي عسا ربي يخفف عذابه

عزالله ان حبه مع الدم جاري

هو درع ابي يوم اتقو منه لابه

وخلوه يبغونه عشاء للجعاري

حماه والموت الحمر في ثيابه

ويبدي لعدوانه مع كل ذاري

وزبن الطريد اللي هرب واتزا به

بايع مع ال جهير والكل داري

مايحتصا ماقد لواه وجفا به

ويحق له بنته بفعله تماري

انشهد انه في الملاقي يجابه

وانه على صوت المنادي يشاري

ذا السيسبان اللي عزيزن جنابه

ولا يمثل به ولا له مجاري

ياحافظ التاريخ طلع اكتابه

وتشوف ذكري في البطل وافتخاري