ملحمة نجران يا الله يا سايق سحاب تبنت
وكل غيبٍ مدركن اطلاعه
تحمي بلدنا من الكوارث لحلت
وزد مجتمعنا بالوعي وتباعه
ياسامعن صوتي ترا العين هلت
ما هو بخوف الموت ولا افتجاعه
الا الاوادم في المخاطر تمدت
واحد يبا يقضي على اكبر جماعه
ساعه وجيزه نحتملها وعدت
وكلن يماشي واقعه ونطباعه
ولاحق على الدنيا تراها ما شدت
وذا الوقت يطلب كل حراً براعه
تحركت ريح الحميه وهبت
كلن بما يقدر يشمر ذراعه
اقل حاجه تتقي يوم طلت
والحجر يمنحنا بنص المناعه
كان البشر بالخوف والرعب لجت
ما فيه ضيق الا وبعده وساعه
شافوا لمور محاصرتهم وضكت
والله كريم وقادر بالشفاعه
ونفوسنا من رحمت الله مبهت
وبحكمة الخلاق فينا قناعه
الناس لجل تعيش وتموت خلقت
ولرواح بيد اللي خلقها وداعه
ونفس لوجه الله صامت وصلت
فيها ثقه ما ينقص العمر ساعه
ودام الأوامر والقوانين نصت
ما عندنا الا قول سمع وطاعه