حـروف النشيـد 270 يامرحبا بك ياولدنا عدة حروف النشيد واعداد ماسيل حدر يبغي المرابخ من حزوم حركتني وأنا أتصدد يالسنافي من صعيد الشعر لأنه ماكن في الكبد بأسبابه وسوم وردّيت لأني خابر ان مثلك يفيد ويستفيد ياولد عود من خلقه الله وفراشه نجوم من بارحتنا الأوله والنوم في عيني طريد والعلم مابين اللّحى يجتال وأطراف الخشوم من يوم جاني العلم وأنا بين مبخوت وسعيد وأشب ضوي بأطول النقيان وطوال الخشوم أمشي من أطراف الزباره لين أشّرع في العديد والفكر كنّه منصهر بين النياكل والكروم أخذ على الدّوار كم لفه وأعّود رون سيد وأردّد الابيات وأبحث في المعاني والرسوم تبت يدين ماتطول المجد الأقصى أيد أيد وتبت يدين اللي الى من حام سربه مايحوم قريت قصة طالبان وعدت لين ابن الوليد وقريت من بوش الابن حتى قريضه ومخزوم وعرفت قصة مفلحه من عادني مسّاك ديد وعرفت ماحق يجي من غير موت في الخصوم والناس كل الناس تمضي بين رحّال وشديد والباقي الله حسب عرف العقل وإسناد العلوم ياصاحبي كل يبي والله يفعل مايريد والله ماغّير بقوم الصّمت وأصحاب الوجوم والعز ماجاء ديرة من كبر جاء فيها عميد مادام ماكثرت بها شوف النصايب والرّدوم ارق الهواء وأنا معك والله على ما أنطق شهيد حتى يكون ظلالنا فوق السحايب والغيوم حنا خلقنا للعلا وأصغر طفل فينا عقيد وأصغر طفل لا قام قمنا لين يبلغ مايروم وش قولتي لاصرت من قوم الى يوم الوعيد وأفعالهم تاج الزمن والعقد وجداد الهدوم حن لابة من يوم جينا الأرض ماجانا ضديد حنا الجبال الراسيه وتهابنا حتى السهوم الا لحكم الله الى جاء ماحد عنّه يحيد وحكمه على كل البشر نفّاذ حاكم ومحكوم ارق المعالي واحتزم وان عاندت خلك شديد وأنا معك مادمت حي وادام للرمله رسوم ياصالح الكحله قسم بالله ما أنته بالوحيد مادام فينا واحد لاحاموا ربوعه يحوم
ملحمة نجران