يا ليت حنا ما سرحنا مـــــداوير 

 ولا بدينا في خشــوم الطوالــــــــي

الله لا يجزى طويل المثل خيــــر

ذكر علي قلبي و أنا كنت سالـــــي

يا دار وين مدلهين المسايــــــير

 على المجالس بالشحم و الـــــدلالي

وين الرعايا اللي تسج المخاضير

عرب مصاييف وخور متالي

منزالهم تذرى علــــيه المعاصيـر

 والدار من صوت الرجاجيل خالــي

الله و أكبر عقب عوج الــدواوير

 لا عاد لا بيت ولا به حـــــــــلالـي

ردت علي الدار من غير تفسيـــر 

 وتقول كب الهرج ماله مجالــــــي

البعض من ربعك نزله على بيـــر

 وشودوا علي شف المرة والعوالي

والبعض لآخر حــال دونه جوافير

 وشدوا وحطوا فوق قبره خيــــالي