بنت شيخ 435 يامهناويش أسوي عسى ربك يعين مابقا فالقلب صبرأ ولافيه أحتمال آتصبر وآتصبر وخافيٌي يبين لين صار الحال حال بعد ماكان حال حالتي حاله وحالي بدا زينه يشين من هوى طفل ذبحني بزينه والدلال الغزال اللي على الروح سجل كلمتين الهنا ثم العنا بين بعده والوصال خشف ريم يامهنا حوى من كل زين والوصايف بالوصايف جمال في جمال آحيا وآموت مابين عينه والجبين الرموش رماح والخد برق في خيال والخشم شامان سله وحد وشفتين كنها جرح جديد ومنه الدم سال وبين جمرك يالشفايف ثمان ماتبين لين يضحك ويتبسم إذا جاله مجال سعد منهو من شهدها رشف له رشفتين تسقي الروح الظمانه من الخمر الحلال والدجى غطى متونه سواده بأسودين تنفرق من قمة الراس ليمين وشمال ينتقه عنقأ كما العاج فوق المنكبين والردايف لاتساوت عدال وأعتدال والصدر زمة نهوده كما تفاحتين تنوكل؟ ماتنوكل! ليش؟ تكفى لاتسال والخصر يمكن تلاقى عليه الأصبعين والعجايب كل وصف بعد هذا يقال لكن المحظور يمنع كلام أبن أعزبين وأكتفا عبدالله بشي مايحمل جدال ولا أنا ياويل حالي وبالله أستعين كل ماطاولني الهم والتفكير طال عقب فرقا اللي خذتني من العالم لوين؟ ماخذتني عندها بس وحدة وانعزال آتذكر كل ماكان وآجر الونين والصبر سهل نقوله وهو صعب المنال في رجا يوم يساوي ملايين السنين لاحصلي مابغيته وهم القلب زال من يلوم القلب في بنت ذباح السمين بنت شيخ بين ربعه غدا مضرب مثال بالكرم والطيب واللين والعقل الرزين والشهامه والشجاعه وعرض مايطال بنته اللي خلت القلب يامهنا حزين الجواب أليا أسئلوني حقيقه أو خيال والأمل ياخوك باقي عسى ربك يعين والبلا ماهوب لاصار تحقيقه محال البلا لا راح قلبك وعقلك في يدين طفلة ماتحسب حساب لدموع الرجال
ملحمة نجران