الا..يالعقول ..الساميه كثرة اللجّه

ماترّث وراها كون تضييع هارجها

وردى النفس يامخلوق ..يرميك للدجّه

وربي عليك أموسعٍ قبل تحرجها

عذول العرب موجود..والحاقد أموجّه

أيحاول أمجاهد صفوة الود..يمرجها

وأنا وين.. أبلقا راحة البال والسجّه

مادام المخالف للهوى قام.. يزرجها

أبغسل ثمي من لحم أخي الحي وأمجّه

ونفسي مع العراف لاقٍ مخارجها

أشوف الملا تشمل وتجنب ومنهجّه

لاهوب التزمت والتشكاك كارجها

والكذاب مايحتاج عذرٍ ولا حجه

على أطبوعه الأولى حياته يدحرجها

..إلى من بعث بي هجس ماضيّه وزجّه

هل هاذا يجي؟منها بعد طول معرجها

إلى من عمر دربٍ دمر داره وفّجِه

حسينة وصايف ..دون يسفر ..تبرجها

يامبعد عليك أشواق الأعماق مرتجّه

ولاغير ..شوفك لي..!! لحااالي يسارجها

دخيلك تعال ألمس على الخافق ونجّه

من ظنونه اللي مابه أحدٍ يفرّجها

تعالى صفا جوٍ مطر وأنجلا..عجّه

أخيول العطا صوب الهنا ذاك نسرجها

تعالى فديتك ..مابقى للجفا حجّه

وأجيلك ..وفا وأقلوبنا ..عنه ندرجها