ماعاد باقي غير تلويحة كفوف

ضاع الكلام وشتتته الطواري

مارافت الدنيا ولا العالم تروف

واللي ضوا فالليل عودْه ساري

الدمع قرب واصبح الضحك مخطوف

والحال من فرقاه باريه باري

صديت مابغي الناس تدري ولا تشوف

والناس شافت واغلب الناس داري

يالوف قلبي بعد فرقا الضحئ لوف

لوف الهشيم اللي ذرتْه الذواري

كني بعد فرقاه مرمي ومكتوف

وعقب الفرح هليت صدق العباري

هو شفي ومالي معئ غيره شفوف

وشوفه علاجي يوم شوفه عزاري

النادر اللي فالبشر ماله وصوف

بعده كسرني والعوض فالجباري

صابر وقالوا تالي الصبر مخلوف

والصبر كمل واصبح الوضع طاري

ماهو بمكلوفٍ ولاني بمكلوف

لكنها كتبت وما كتب جاري