خلك طويل البال ساعه وساعه

وليام في صكاتها لك كفيله

وشيٍ يغثك لاتهم اطلاعه

خله تحت لا تنحني وتهفيله

خلك مع مايرفعك بارتفاعه

هذا الحقيق بهمتك تحتفيله

مالك بطب اسقام لريا استطاعه

غيرك تعب في صحته ماشفيله

خلك مع ماشيد الله شراعه

وابعد عن اللي منزلاته سفيله

ولدراك بالحكمه يصون الشجاعه

من خض دلوه فالعكر ماصفيله

ومشتد باسه ليّنته الصناعه

ولويطلع الثلثين منه تفيله

يصفي معك ماتنتجه بالبراعه

وماضفت له مما يناسب ضفيله

صارع مع وقتك ودارك صراعه

ومن يشتكي مجفات وقته جفيله

والعبد في دنياه مثل الوداعه

ما يعرف الانسان ويش الخفيله