يالله تحفظ ولات امورنا راس الهرم

خادم البيتين وولي عهده انا اسايله

مرحبا مازم والتم وبروقه علم

وادلهم ونوض برقه يشوق مخايله

مرحبا يامير من قلب ولسان وقلم

مرحبا من نسل همدان يام ووايله

ياولد هذلول ساس الشهامه والقيم

الكريم اللي مناصل نسب فصايله

وياحفيد معزي اللي رقى روس القمم

وبرهن التاريخ عنّه وعن فعايله

احتمى شبه الجزيره على ساق وقدم

واتبع نهج الشريعه وعَدل المايله

واستوى في ذروة المجد وانتج من عدم

وشيد امجادٍ على كل مجدٍ طايله

وسطر التوحيد لله في بطن العلم

وارتكز بالسيف لأهل العلوم العايله

واستتب الامن والجهل ولّى وانصرم

كلها من فضل ربي ثم بفضايله

ولانسينا فضل من بعد ابو تركي حكم

كل اسد ان قد ربينا على جمايله

ليعهد مولاي سلمان قهار الخصم

المليك اللي صحيح الولاء ودعاي له

عينك عند أهل نجران يالقرم الشهم

وراعي العليا تعلمك به دلايله

وانت متواضع مع كل فرد ومحترم

ولك جميلٍ يبيض الوجه كلن قايله

وحن معك ياسيد الجود يامال الشحم

رهن أشارتك وعلى امرك بدون محايله

ياهل العوجاء لكم عندنا عهد وقسم

وزبدة الهرج ومعانيه في قلايله