البطولة لو تخيّرها بخِيرة

ما تبا غير ابن مانع لا ولا

عند ابو شامان هيفٍ للذخيره

ينفض احزامه ولا يبقي ولا

محمدٍ سيرته ترجح باي سيره

فوق هامات البطولات اعتلا

مِن هل البارود وسيوفٍ شطيره

لابته يامن بها ذيب الخلا

يام حاربها على كبده مريره

وغِمرها يقدح سِطَر راسه شلا

طاولت روس آل سعدٍ راس خيره

وفوق راس اطويق زايد بك علا

إن وطينا حِفّنا نار (ن) سعيره

وضرْبنا في الراس دون الراس لا

وان عديْنا في لقا قوم (ن) مغيره

حِفّنا من وقعنا ذاق البلا

ودون حدّك يا وطن نغدي كسيره

ترخُص الارواح لك دينٍ وولا