قال ابن ناجي يعدّل زَين قِيفانه

في سابقٍ لوّعت قلبي محبتها

يرتاح بالي لما انّي شفت شيهانه

انا اشهد ان خاطري يطرب لشوفتها

يازينةٍ الهذْب كنْها عُود ريحانه

تعجبك باطلاقها والاّ بهذْبتْها

فجّا النّحَر لا اقبلَتْ والعُود ريّانه

شبيهة الريم في الوقفة وفزّتها

يازينها لا اطلقَتْ في وسط ميدانه

مع أول الخيل نيّافة خويّتها

عساش يا سابقي ما انتي بوجعانه

عين قذَتْ سابقي تِبلى بلوعتها

باسبابها يافهد والعين سهرانه

ماذقت نوم الخلايق عقب اصابتها

متى عيوني تشوف عيون شيهانه

وياالله عساها تشالا عقب طيحتها

والختم صلوا عدد ما هل ودّانه

على النّبي الهاشمي ياسيّد أُمّتْها