وريث الشداد وفزعة الحاين المضهود

سنام القصيد و ذروة الجزل واطنابه

علي بن سعيد ابن بلال الرفيع الكود

(شاعر يام) فخرٍ كاسبه ماهو نهابه

نعزي القصيد ومجلس الشعر وأبن سعود

ونعزي الصباح وكل شاعر يعزأ به

ونعزي قبايل يام ومن المواقع طود

ياكم مرة مع هاجس الشعر يرقى به

ونعزي عزازٍ دون حدّ البلاد تذود

لهم مجد يفخر شبلهم لي تعزوا به

سطرهم طبيعه واحتماهم عقاب الذود

ضراة مثل مايدهل الكيف شرّابه

فخر يآل درهم يوم عاد الليالي سود

وفخر حاضرٍ يلبس من المدح جلبابه

يآل فطيح شاعر يام لازال في الوجود

بجزاله و وقفات و قصيدٍ يوسأ به

يموت اللذي لاعنه ناشد ولا منشود

وأبن بلال حزنّا عليه وفجعنا به

وكل القبايل فاقدينه شباب وعود

عليه اللهم رحمتك يالله الجابه

وعزاي وعزاكم لآل علبن بلال الطود

خوان وبني عمّ وقرايب وعصّابه

وعزاي وعزاكم فيه للي ورث له جود

جود المجلس المفتوح والبيت واطنابه

سلطان وخوانه كل رمحٍ ظهر مبرود

سلطان وخوانه كل حرٍ ومخلابه

وتراكم عزانا فيه والخالق المعبود

صقور حرارٍ حازت المجد بأقطابه

اقوله وانا حزني بعد والدي مرجود

وحزنك ياسلطان اشعل الحزن واسبابه