تحت وطأة الأختيارات 196 بسمك اللهم مولاي يا نعم النصير حسبي ونعم الوكيل انت ما غيرك إله بسمك أبدى رسم عذب القوافي يا قدير ساعة فيها خيالي مجال الشعر جاه تحت سبع وفوق سبع بتقدير البصير كن ما غيري على الأرض من يطرأ نباه تسعة شهور عن الناس عقلي مستذير وتحت وطأة لختيارات ضاع الأتجاه مثل من تحته غريق ومن فوقه كسير أنقذه ربه ومسكت يده طوق النجاه فلو رجع ينقذ غريق بقاع الماء الغوير مستحيل العد يلحق على قاعه رشاه والكسير إن جبره يلحقه ريع كبير من هل اللي غرق فالماء وخلوه اخوياه وكل خوفه لو تعذر وصدقه الكثير من كلام اللي لسانه يلوكه في قفاه تحت وطأة لختيارات يحتار البصير وش يخلي وش يبدي عناه او ما عناه بين نظرة لغنيا له ونظرات الفقير وده مع ذولا عزيز ؛ ومع ذَا لا بغاه وفوق ذَا كله حقوق العواني والقصير وحق ضيف ما يصد المعزّب من غلاه شايف حق علي للكبير وللصغير وتحت وطأة لختيارات قلبي في عناه بين عادات القبايل ومعدوم الضمير والله لولا شيمة النفس ما يسلم جزاه جعل منهو حد نفسه على الشبر القصير بم خمس اللي تطابق صدوغه من عداه وجعل يطعن قاطع الوصل بالحد الشطير طعنة من كف غدار مثله من وراه الحديث يطول ومهيضه هرج يسير يا نعى من شاف نفسه ودينه ما قضاه وعاده يطالب بحق وفِي بطنه بعير ويحلف زور وبهتان يوم لله بلاه علموا من لَبْس ثوب الكبار وهو غرير كل ما عثر له وطاح يعرف مستواه والختم صلاة ربي على طه النذير والأمل بالله قلبي يحقق ما بغاه في رجا رب كريم يسهل لي العسير والبخيت اللي دعا الله في الصبح ومساه بالعزايم ينجلي الغيم من عين الضرير وراس مالي طيب ساسي وقرآن وصلاه
ملحمة نجران