قال من حاش المعرفه وسط كمه

من قراها ظن بانه اللي كتبها

هكذا الابداع سميته وسمه

وعز نار البدو من خيره حطبها

والقصايد بين مياحٍ و جمه

ومثل ماقالوا ثمنها في طلبها

ودي أهرج يوم هرجي في متمه

فالعلوم اللي تبين لي سببها

الهروج اللي تروج بغير يمه

سلعه ماهي تجمل من جلبها

علم. اللي مايفكر فالمطمه

ايتركد والعرب يدرا عتبها

المديح يشوم من درب المذمه

والذميم يجيبها ولاحسبها

صاحبٍ في غيبتي مافار دمه

خيب الله لحيته ويا شنبها

احسبن همي على دنياي همه

اثر سم العقربه يكمن ذنبها

ماتحسف كل ماجات الملمه

المعادن تتضح ساعه لهبها

من بنى علمه على واشي وذمه

تغلبه سود الليال ولاغلبها