ارحب ياابو جاسر اعْداد المخاييل

واعْداد ما هلّ المطر من خِياله

ياراعي الطولات وافي الرجاجيل

ياالشامخ اللي كلنا في ظلاله

حلاّل عضلات الصعيبات حلحيل

من قُوّ عزمه كل اموره سهاله

لما لفاه الضيف دنّا المعاميل

طلق الحجاج ودوم سمح ن قباله

وان مالت الدنيا وكثْرَت لقاويل

يرسي كما ترسي رواسي جباله

كرامته عند ابزياه المشاكيل

وعندي لما اني جيت يبشر بفاله

لانّا على ما قال جيل ورى جيل

متسابقين في دروب الشكاله

والخال له قدر وحشمة وتبجيل

اشوش من فعل الشّلي عند خاله