تصادفت في يوم الاثنين ذكراك

وتناغمت في الراس عذب القصايد

وجاتك هجوس الفكر منا ومنّاك

تنصاك ياعبدالله وافي الوعايد

وتنادوا اخوانك لمثلك وشرواك

شوق على ذكراك رغم البعايد

العزم والطنخه ومن فعل يمناك

وشوشتك وقت الضيق والا الشدايد

تجعلك عندي وافي الشبر لولاك

لولاك مانبدع بيوت جدايد

عسى الولي ياراعي الطيب ياقاك

وعساه يكتب لك سنين مدايد

ادعي لك المولى يعزك ويحماك

وارسل سلامي لك بذاري النوايد