وش هي حلاة الورد من غير شفّتك

حتى الرحيق اللي بها من شفاتك

اغضايتك يا ناعس الطرف هيبتْك

يشبه ظبيّ الريم فيك التفاتك

برقٍ سرى والاّ من الخدّ لمعتْك

كنّك عطيت البرق شي من صفاتك

وجدايلٍ كالليل من طرْف شيلتْك

وقوام ممشوق يعاند عباتك

غنّى حمام الورْق بانغام ضحكتك

ولا اشبهك ف الناس حتى خواتك

يا حظ فنجالك ويا حظ سبحتك

اللي بها سبّحتْ بااتلى صلاتك

يا هوه أنا اللي رحت فيها بطلّتك

أدمنْت أطالع صورتك من غلاتك