ياابو بسام في جيتك بلسم شفا

المشاعر نثرها شوفتك في الحرم

كانها حلم ليل (ن) وسط جفن غفا

ماتساوى بها فرحة غريق (ن) سلم

ارحب ارحب يا من في بيت ربي لفا

ياخصيص الشكيّا يا سريع الوَلَم

زايد (ن) في المراجل فوق حد الوفا

في طويل المعالي راكز (ن) له عَلَم

يعطي الوقت كله لي زمانه صفا

وان تكدّر عزاويّه بتغرق وضَم

يا سناد الشليّ اللي زمانه جفا

يا ملاطف صغير تو سنّه فِضَم

من بحر فيض جوده غارفه ما اكتفا

والمكارم بنيشانه رسمها رَسِم