ما يشبّه بالصباح اللي تشع أنواره

كود ذي يزن سلام الله عليه اضمودي

سابق (ن) سنّه سنين وناضج (ن) بااشواره

ما يخلّي زايل (ن) زوده عليه يزودي

عزّة النفس ومهابتها وكتم اسراره

ديدنه مع ان قدحه قدحة البارودي

اجعلوه يضم مرزقكم من النثّاره

يلوي اللية على حبل الرسن ويقودي

حالف الفرّيس لا اطلق ما تشق غباره

السهم في زرقته والاّ هبوب النودي

الرعد والبرق فيه وما طره واسباره

والحيا في جال سيله والله المعبودي