لون الزمان يطيع والاخذالي شور

تمنيت وقتي الي مضى زيد ياتيتي

انا وان شعرت بحاجت رحت لدكتور

مريض ولاطب الدكاتر يداويني

وانا افضل الوحده ولا مجلس به زور

وناس على غرات الاجواد ضاريني

يحطون للنمه فروع بدون جذور

وعلى ما السراب يطلعون البساتيني

ومن الحكى يبنون العماره بدون جسور

وبعضهم بنى له فله وحط دوريني

انااشره على الطيب ولااشره على المثبور

ولالي على الانذال حق تشاكيني

وكم واحد بين العرب عايش مغرور

يفكر بنفسه من عوال السلاطيني

عطوه العرب من فوق حقه وصار يدور

بفكره مشاريع بليا عناويني

مع الناس لايحسب غياب ولابحضور

ويقفي لمنها بانت العين في العيني