بِسْم من تخشع له وتخضع له رقاب البريه

بسمه أبدى جل شأنه مبتدأ نظم الكلامي

السلام ورحمة الله وبركاته والتحيه

عد من زكى وحج وعد من صَلَّى وصامي

من سمع هرجي فيشكر ربه ويذكر نبيه

جعلكم عوّاد عيد العام هذا بعد عامي

ف السنه عيدين عيد الفطر ثم عيد الضحيه

وثالث أعياد السنه في شوفكم يبنا العمامي

قلتها بِسْم آل مطلق للحلام أغلى هديه

للحكيم وللفهيم ، وللكرام من الكرامي

وارجو ألا تحسبون إن في كلامي عنصريه

فيشهد الله ما قصدت إلا التحيه والسلامي

بس دايم فآل مطلق غصب تأخذني الحميه

أفتخر بفعولهم وأمدح رفيعين المقامي

لابتي كل أبلج ن الضيم ما يلحق خويه

كل مضيوم وزاهم بمر ربي ما يضامي

اسمهم فيه الطلاقه والسمي يتبع سميه

وفعلهم فيه الرجوله طبقوها بالتمامي

فهم مطاليق لمنهو يستحق المقدريه

وهم صناديد بساعات الملاقا والخصامي

آل مطلق من وعيل نسل قوم هاشميه

وفِالنسب بين القبايل هم سلالة صلب يامي

صلب يام اللي مدحهم ذو الفقار بكل هيه

وقال لوهو حارس الجنه يدخلهم شمامي

صلب يام اهل الكرم واهل المواعيد الوفيه

حافظين الود للصاحب وللعايل كعامي

الشجاعه ميزتهم بالسلال الحضرميه

وقلدتهم ضمن شجعان القبايل بالوسامي

والجهاله مااثرت فيهم بوقت الجاهليه

ون بغوها حلّلوا قتل النفوس وهو حرامي

ون بغا يجهل عليهم جاهل نفسه دنيه

علموه أصل الجهاله وجعلوا بنفه خزامي

جاهل (جهل حقيقي)من نوا يام بنيه

وخاسر خسر مبين دامهم ضده ودامي

فكم عدو حوَّمت من ضربهم فوقه حديه

وكم شجاع من طعنهم زاغ قلبه واستهامي

يام بن يصبا مداغيش الوغا صبح وعشيه

يا عجب عين المصيح لا نصا يام الحلامي

ولا عَلى كل القبايل زود من قبل الزريه

وقبل يلحقني من العقال مشروه وملامي

فكل رجل وله قبيله وجمعتنا اليعربيه

ونجتمع فالمملكة ديرة مقابيس الظلامي

اشجع شعوب القبايل واشرف الروس الأبيه

كونت شعب عظيم للولاء فيه إلتحامي

تحت بيرق خادم البيتين مروين الضميه

لا يهابون الممات ولا يخونون الذمامي

بعد هذا ودي آبين مواضيع خفيه

وودي اللي داله يسمع كلامي بفتهامي

ودي آبين لكم ياهل الشرف والمقدريه

عادة ما سار فيها بيننا إلا ابن الحرامي

فلا تدوسون التبن تكفون تحت التبن حيه

وحبكم لا تنثرونه يلقطه فرخ الحمامي

هاضني ناس قلال شروع ما فيهم عنيه

يضحكون بوجه من شافو ويقفونه قيامي

مالهم درب سوى درب النميمه والحكيه

ومن حسدهم للأسف يبس الشجر عاده قيامي

الرفق نسيو حقوقه وجعلوها ثانويه

والصداقه عندهم وطئة نعام في قعامي

يا عسى ماهم بمنا،جعلهم برض خليه

وجعل ربي يبتليهم بالجزا يوم القيامي

ناقل النمات جعل الله يبلاه ببليه

وجعل يفدا من يُبين لحتمى ضرب الحسامي

ناقل النمات يفدا راعي الدين القويه

عاقل يخشى من الله وانبدا اللازم ولامي

ناقل النمات يفدا من يحلون القضيه

وَذَا يعقدها عساه الموت جباد النسامي

ناقل النمات يفدا من يوقف مع خويه

اصوك راْسه يطبق فزعة اليامي ليامي

وجعل يفدا من لضيفان العسر كفه نديه

وجعل يفدا اللاش حتى للغضي قاني الوشامي

ناقل النمات قسمه في الكرامات التريه

ولا يقلط في المجالس بين مروين الضوامي

من يصافي ناقل النمات يرتكب الخطيه

وسمعته في يوم واحد بس يلحقها العدامي

لو سمع له كذبة ن زود عليها له شويه

ثم نشرها في ثواني واعتبرها له دوامي

وعنده أسلوب رومانسي بطريقه عاطفيه

يجعل اللي يسمعه يوليء كلامه لهتمامي

ليت لي قدهو بحكي فينقل اخبار جليه

ون بغانا ما نعرفه يخفي وجهه باللثامي

والختم صلوا على سيد البشر نور البريه

جعلكم عوّاد عيد العام هذا بعد عامي

معايدات أخو الجميع

قنيفذ بن ناحي بن قنيفذ ال مطلق