عنتر ماله شبيه سوى خط الجنوب

الكباري والملفات سيفه لبتري

تقل حييت عبس ثم جددت فينا الحروب

من ورا جازان لقصى حدود الدوسري

حي عنتر يوم حارب على الحرب مغصوب

بس ذَا خط علينا بحربه مفتري

والله إنه لاحق بالبلا حتى الحروب

وعنزه ومطير واطفال عود شمري

ومن لفانا من عمان ومن ذيك الدروب

من دبي والمنامه كويتي وقطري

طارش يبغا السياحه وتسلية القلوب

كانها اول مرة ن جاه ما جا الأسمري

في وزا الله دايم من قطيبات الذنوب

اشهد إن من صممه ما لذنبه غافري

فلا بحزم واسع تختلف فيه الجيوب

ولا برخة وادي يكترب منها الجري

غير خيط من قطابة عجوز في هبوب

مرة ن تومي يمين ومر ن ايسري

والقرى اللي من حواليه يسكنها شعوب

لا بهم طبع بدوي ولا شكل احضري

لا وقفت آصلي الفرض حزات الغروب

خايف ن انسى سبيري وجنطي وكفري

أستوت فيه المجاهيم مع سود الدروب

مادري هو مرني ددسن أو فاطري

والمطاعم من لجانب يشغلها قروب

النظافه كل طباخ هو منها بري

الطعام اللي يطرأ بصوب وهم بصوب

وان بغيت الزاد قالو خذ الزاد اسفري

وانا خابرهم يعانون من نصب الكذوب

بس كنهم صدقوني لرؤية مظهري

وجاوني بالزاد لمحق بشقف ونص كوب

قد هنا خمسه وعشرين هر تحتري

المهم الله لا أسقاك يا الوقت الشحوب

وجعل تسقى ديرتي في نهايات سفري