يا راكب حيل عليهن كلايف

مراميل من فج العضود عياد

لاروحن فزن كما فزت القطا

في لاهب الجوزاء نوي الميراد

شيب المعارف لا نتحن كن أزوالهن

أزاويل ريم في زراج حماد

عليهن من شد العقيلي رحيله

ومحليات بالحشوم افراد

عليهن من ناس العلوم وجابها

وعليها من مداغيش العيال سداد

لا جاو بعلم من عدو بيشنوا

ثم بشروا واستر كل فواد

يقال دنيانا علينا تعيرت

ومالت كما يميل من الهبوب عياد

ويا الله يا اللي لا إله غيره

يا الله لا تقطع ذرى الأجواد

ويا الله لا تهفي هل المجد والسخا

طوال الرجا ما هي تمد الزهاد

يمدون للضيفان في أيام القسا

وساع البنايد للضيوف حشاد

غذوا للحرايب كل قرم مجرب

مراكيضه تحط الجموع ابداد

وغذوا للحرايب كل قب اشمره

عريضه ملقا الفقار أسناد

وربعي مرازيق دواء كل عايل

هرج صحيح واضح وكاد

ذباحة مذبوحة ما يهمها

وعلاح حرب لا قسا وازداد

لا قربت ضو المعادين صوبهم

هذاك ليل عندهم عياد

فيهم مراكيض الزناتي خليفة

وفيهم شجاعة طارق بن زياد

يتلون صعصاع على الخيل صيرم

مواريث حثلين وهم الاجواد

والله راقي الروح من كل سيه

والنفس لها عند المولى ميعاد