عينـي تبـرّت مــن لـذيـذ المنـامـي

مــازل مــن لـيـلا تـزايــد سـهـرهـا

ودموعها تسقي حياضي ضوامـي

تبكي على ماقد مضى من دهرها

تبكـي لفقـدان الشيـوخ الكـرامـي

اللـي مـن العـدوان تحمـي وطنهـا

نتخيلـه رجـلاً مغتشيهـا الظـلامـي

مـن فقـد أبـو زامـل تـزايـد كـدرهـا

تبكـيـه مــن فــواز لام العـظـامـي

والعوكـلـه يبكـيـه حـتـى شجـرهـا

يا اللي لها درع عن حصين وحامي

مـن هيبتـه كـلـن ديــاره شطـرهـا

يسهـر عليهـا مـا يـهـاب الظـلامـي

فــي سـاعـة الــلا تـزايـد خطـرهـا

يفـرح بـه المكـروب يـوم الزحامـي

ماهوب لاشـاف المعـارك شطرهـا

يشهـد لـه التاريـخ ورجــال يـامـي

بفعالـه اللـي مـن طـوالـه ذكـرهـا

صـطـام لـطـام الـعـدا بالسهـامـي

عـيـن الـعـدو مـنـه كـثـرا سهـرهـا

لـه لابـة مـا هـي انــذار الحـرامـي

قـبـيـلـتـه الله بـعــونــه نـصــرهــا

بفعالهـم يفعـل وهـم لـه حـزامـي

تاطلى مواطيـن العـدا لـي ومرهـا

اليـا صـاح صيـاح يجـونـه همـامـي

وغزى لمن هـو واقفـا فـي نحرهـا

عـلـى ال منـصـور يـكـرر سـلامـي

عـد البحـر اعــداد روض وشجـرهـا

والحصـى بـه منـه يشـد الزمامـي

ولا تـراخــا عـنــد تـالــي صـدرهــا

ماكـل مـن شـل البـنـادق بـرامـي

ولا كل من شاف المعـارك حضرهـا

وصـلات ربـي عـد نــوح الحمـامـي

واعداد ما فوق النضـى مـن وبرهـا

عـلـى رســول الله خـيـر الانـامـي

نفسـه علـى مرضـات ربـه ومـرهـا