هاضني اقوال الصحف 199 يالله يارب العلى ياللي على خلقه رقيــــب بأمرك وتدبيرك خلقت الكون واللــي كاينات الحمد لك والشكر لك يا خالق الكون الرحيب يا محيي الأموات ياكاسي العظام الفانيات ياربنا المعبود يا جعل الفرج منك قـــــــريب منك الفرج ياعالمٍ بالخافيه والبيـــــــــنات عسى بجاه المصطفى وآله اهل بيت الحبيب تحفظ لناالداعي وتجمع شملنا قـبل الشتات والضد واللي سانده يالله عسى شمسه تغيـب واللي يبا ينجا يكفرعن ذنـوبٍ موبقـــــات يانايم الغفله تنبه كان باقي لك نصــــــــيب وقف مع نفسك وحاسبها وقل ما فات فات عدّل مسارك واعتدل ليطعت شوري ما تخيب التوبه التوبه قبل تكسب ذنـوب وسيئات ياللي علىالحبلين تلعب بعت ربعك للغريب ويش العذرترخص بنيي عـمك وتنسى الواجبات شيخ الشمل ضيع الامل مادام قد فكره عطيب حتى الحميه باعها بالــــمقفيه والمقبلات القوم ضاعوافي الخلابين المطبب والطبـيب راسين من دون الجسد واطرافـهم متقطعـات لي وقفةٍ وابيّن العدوان وافهم يا لبيـــــــــب ضدين تاقف ضدنا يالله لنا منك الثـــــــبات اعرف عدوك والهدف سدد اذا تبغا تصيب ويبين لك واللي معه خلف السلوك الشايكات قد هاضني قول الصحف ومقابله بلا رقـيب مع واحدٍ يبغى يجدد ما مضى من سابقات مسموح له يفتي ويهجو صاحب العقل المريب وانا اذا دافعت عن نفسي تقوم القايمــات تلميذه اللي علمه يفتي ولا له من حســـــــــيب تباعة الفتان تفتي بالعلوم الشـــــــــاينات شاري حثالة مجتمع بالمال ابوالذقن الخضيب شّكل عصابة للفتن عـندي على قولي اثبات له قاعده وسط اليمن واخيه مقبل له عضيب راعي العليا زوده بالمـــال والمتفجـــرات وابن القصر حظه ردي ما دام قد هو لي حريب ماضيه يشهد لا يكلفنا نـقول الخافيات من قبل تفتي يالغبي ماضيك عنّك لا يغـيب مثلك تشب النار له يحرق بها قبـل الممات شايب بدرداس الخطروافعال ابن ناصرتعيب خاين وعايب والردي تشهدعليه الغافلات وام الكباير ولفها واصبح لها نعم الحبــيب ما له شهاده ضايع الحجه ومعدوم الصفات الدين يأمرنا نقيم الحد يالوجه الكئيـــــب من كان مسلم يطلب التطهير يا اهل المنكرات بانت خفاياهم وبيّن ما خفا صوت الخطيـب الزيدي اللي باع دينه بالفلــوس المغريات لو يعرضون اهل الكتاب فلوسهم علق صليب لاهوب من ذولا ولا ذولا علومه خايبات في غيبة الحاكم تولانا الردي والمستغـيب والمكبعي والمصعبي واهل العيون الزايغات بايع ضميره مختفي خلف المقدم والنقيب تمشي على الخطه تسير اهل الوجيه المظلمات وين العداله المصيح بح صوته في شعيب يسمع صدا صوته ولاحد يسمعه فعله شمات قم بلغ المكتوب ربعي وابن عمي يا نديــب اللي ورى القضبان في الحاير يديه مكبلات ام الحنج تبكي ولدها والطفل ينحب نحيــب والشايب اللي يرتجي عودة صـبي الطايلات قولوا لهم قرب الفرج ما دام به غمرٍ وشيب ننهج ولي العهد نشكي من جـروح داميات يا ربعنا حن ربعكم بالصبر والراي القطيب نكسب قضيتنا ودولتنا تعــرف المقــديات ومن حب دولتنا ومن حب الوطن ناطى اللهيب من دون مذهبنا نحب الموت ما نبغى الحيات وختامها قولوا معي جعل الفرج ياتي قريب الصبر مفتاح الفرج يالله عسى مـنك النجات
ملحمة نجران