من سلايل يام انا … قوم لقياهم عنا

… والعدو حن له فنا …لاصفق جال بجال

ماخلق فينا جبان… وان خلق مازاد بان

…نمضغه مضغ اللبان … والله ان موته حلال

طفلنا يرقى سنود… للورى ماهو يعود

… سلم ربعه والجدود … من عمامه والخوال

ماحن نحب الخطا… لاسريع ولا بطا

…جيدين بالعطا …نشل عسرات الثقال

ومن نوانا فى رداه … والله ان موته وطاه

…راح لربوعه زكاه… تحت حدبات السلال

قادنا الداعى حسين…من خشيوه للعدين

…والجمالى له يمين…قوم فى اللقيا طوال

نذكر الله والرسول…والولى زوج البتول

…فى الصلاة وكل قول…لين ياخذنا الزوال

والحسن هو والحسين…وسيدة نساء العالمين

…ساكنين بكل عين…ماتغيرنا الليال

صوبهم منى سلام …بأسم ربعى قوم يام

…يختلط فيه البشام…من نسانا والرجال

عد براق نخيله…لانتثر واقبل بسيله

…فى جراهيد محيله… والظما مالقاع زال

حن هل الحق المبين…نورنا فى الناس بين

…جوهر ماهو يعين…ينقطع فيه الجدال

ياعرب حن يام يصبا…ماحكمنا يوم غصبا

…روسنا للعز تصبا…فوق هامات الجبال

وغيرنا حكموا غصايب…قودوا مثل الجلايب

…والنسا راحوا ذهايب…باللقا عقب النزال

ضيفنا ليجا نعزه…والشحم صوبه نلزه

…وبالسوالف مانحزه…ونتخالف بالدلال

من سمع قافى وشكك .. فى كلامى ثم تلكك

.. يسأل الحكام والملك .. عن عهدن والمقال

وعن عهود فى كتاب .. من نقض فيها يعاب

… شايبن ولا شباب … باقيات لاتزال

يام موفين العهود…والمراجل زود زود

…عن حمى المذهب نذود…لينووا قوم جهال

وبنتنا تسوى قبيله…يوم كلا له حصيله

…مالها مالعز ميله… ولا بها قيل وقال

مانوت درب الغزل…من قديمات الازل

…الادب فيها نزل…وقلبها للدين مال

بنت يام اللى توارت …من عيون لها تبارت

…فوق درب العز سارت…دربها ماهو شمال

زوجها منا وفينا…طير شلوى اللى ذهينا

… صلب دمه من دمينا …فاز منها بالزلال

ودى اكمل وصوفى …غير خانتنى حروفى

…تزدحم فى وسط جوفى…كنه صايبها جفال

والعذر ليبه قصور …بالقصيدة اوفتور

…الهواجس بى تدور… من جنوبى للشمال

وفى النهايه والختام…صلوا واثنوا مالسلام

…مقصدى سيد الانام…نورنا فى كل حال