تجي سجات حزني لا سرى فيني نحيـل العـود

ورى ذيك الديار اللـي هواهـا حـل باعماقـي

الى منه نظر بأم الهـدب والناعسـات السـود

يخلينـي اسيـر لنظرتـه وشفـاه وأشواقـي

دخيل الله وانا مالـي سـواه الواحـد المعبـود

دخيل الغنج والعشق العفيف المتـرف الراقـي

دخيل الحاجبين وضحكتـه والشهـد والعنقـود

دخيل الدمعتين اللـي تجـي فـي موعدافراقـي

دخيل الورد الأسمر والحرير ورجفة الموعـود

اذا مر الهوى في داخلـي وأشتـاق لأحراقـي

أنا ماني بحياالله بشـر يرضـى بنقـص وزود

خصوصآ في مواضيع(ن) تفيض وتنوي أغراقي

عشقت اعلى المدائن بالحياه وتاجهـا موجـود

سكنت أغلى الجهات اللي بقلبي عشقهـا باقـي

عشقت الساكن اللي من قصدني مانسيت الجود

هويت الدرب ذاك اللي يجيـه وتعشقـه ساقـي

حبيبي كـف دمعك,لاتثـور وصاحبـك بـارود

تشّبه,أي قدحـه تشتعـل فـي داخـل أحداقـي

ياأجمل وجه ياعقد الذهب يااللؤلـؤ المنضـود

دخيلك لاتخيّـب فـي غرامـك هقـوة الهاقـي

خيالك جاء يعايدني معه صـوره وعقـد ورود

وقلت اهديك شي(ن) ماكتبتـه داخـل أوراقـي

مع ذلك ترى مقـدر أوادع ذا العيـون السـود

أخاف يطيح دمعك وأحضنك وتمـوت بأعماقـي