صباح الورد يسعد ذا الصباح اللي لفـى يختـال

صباح عيـون تخطـف خافقـي وتكبـل اوثاقـه

صباح(ن)من جمالك صار عبد لحسنـك القتـال

اجل ياكيف انا العبـد الفقيـر ان جيـت عشاقـه

توفت في فمي كل الحروف اللـي بغـت تنقـال

بغيت اوصف جماله بس شفت الوصـف مافاقـه

جمال(ن)ويش اوصف ويش اخلي ذا الجمال هبال

يخلي كل شاعـر حـب غيـره يحـرق اوراقـه

فتون(ن)لو مشت فوق الثرى كن الثـرى رجـال

يغازل في جسدهـا كـل شبـر بلطـف ورفاقـه

يناديهـا القمـر ويقـول بالله ترحميـن الحـال

مولع تـاه فـي حسـن معـك سبحـان خلاقـه

وانا قلبي معاها مـال ثـم ميـل ومـال ومـال

غـدى طيـر بسماهـا يكفـخ بجنحـان خفاقـه

من اول كنت احسب ان الهوى والحب لعب عيال

اثاري الحب لـه درب(ن)طويـل ونـار حراقـه

خذت مني السهاد وقلت لعيون النحـر والخـال

اموت بذمتـك مبسـوط واشـرب سـم ترياقـه

اضيع بضحتك والـلا اضيـع بعـودك الميـال

انـا ماهمنـي دامـي عرفـت ان القـدر ساقـه

نعم ذا الحين ياقلبـي احـس بضيقـة الرجـال

بعـد مالفنـي حبـل الهـوى بيـديـن شنـاقـه

تفنن في عذابـي واشهـد انـه صابنـي بخبـال

اللين اصبحت اناظـر صورتـه بعيـون تواقـه

ومعى ماصار لي من ذا الهوى لازال طيب فـال

يصحـي داخلـي حلم(ن)قديـم اعيـش لعناقـه

صباح الورد ياوجه(ن)عرفته من سنيـن طـوال

صباح(ن)يرتمي لهداب عينـك وارجـع اشتاقـه