ياحسين وَصّ الغيث وادْعُوا مشاري

المرجلة يا ابوك جريٍ ودِرهام

فيها مغابيشٍ وفيها مساري

ومن جاب مجهوده فلا هو بيلاّم

والنّعِم ما حاشوه حُمر العَتاري

ما حاشه إلاّ كل من هو ضنا يام

اهل القنا والرمح واهل العجاري

والسيف الاملح شايله كل ضرغام

ياحسين خلّك يوم انا ازهمك ناري

وخلّك لما جاء لازمي تاتي اشمام

ويا غيث خلّك في المواجيب داري

وخلّك سواة الصقر فَ الجوّ لي حام

وحذراك يا مشكاي نوم العصاري

اسرح ورقّاد الضحى ما بعد قام

وترى مشاري للمراجل يشاري

جسورٍ على دَوْس المخاطر وجزّام

لانكم سلالة شاجعٍ ما يداري

عوق الخصيم ولصْغَر الربع مِسلام

لي قال ابو نصرة يبوج الغداري

ياما فصَل في حِجّةٍ بين الاخصام

واللي بفعله كل بيضاء تماري

ناجي البصيّر للرفَق درع واحزام

يسَبّق لها قدّام تسري السواري

ويقطّب الحِجّة بتثبيت واِحكام

وربعٍ لكم مثل السباع الضُواري

سَعَديّةٍ ربيعها ما هو ايضام

فرَجْلٍ بلا ربعٍ حياته عزاري

وعزٍ بليّا لابةٍ والله مادام

عسى لكم حِفْظ الله مِذري الذواري

واللي معه رب المخاليق ما انضام

أقولها .. وآنا دُوِيس العساري

آسوجها مَ الشرق للغرب للشام

ما احْسِب حساب امْدوّرة الاتّخاري

ما عندي إلاّ قول قدّام قدّام