يا سلام الله على الحُرّ النداوي

عدّ وبل ن جاك غزر ن في سباله

طير حُر لي كفخ ماله مقاوي

في الهدَد حقّق من الصيد الجزاله

كل رجل ن في المسابق له هقاوي

ونايف ن عدّا على شامخ جباله

يا عجب عينه على صوت العزاوي

جاه سيل ن يستبق نوّه مخاله

فزعة ن جاته من العد الرهاوي

دمّت الاراض من شرق وشماله

صُبّ فنجال الفخر والراس خاوي

فاز من شبره طويل عند خاله

جعل يسلم واحد ن للعز ناوي

مانع اللي جاعل ن نايف بداله

رَزّ أخيه وفوّزه جزل العطاوي

ثم نعت بالصوت في جمعا خواله

ارجَعَت الاراض من عقب السناوي

وامطرت دهم السحايب من خياله

يوم فاز أخيه نال بها المناوي

أرجهنّ القلب منْه وسج باله

يا عسى ما ذاق حزنك يا الرهاوي

وجعل تبطي حي وانت بعز حاله