ياهيه يالي رايحين على نيب

مروا علي تكفون ياهل الركابي

مروا علي واخذوا كلامي تراتيب

اخذوا وصاتي واعلموا بي اقرابي

مخبر حد قد مات من غير تسبيب

وانا وفيت الله يهون احسابي

يالله يامطلوب ياعالم الغيب

ياسامك سبع بليا كرابي

ابرج لي انها لاحقتني المشاذيب

واللي احذاي امن العرب مادرى بي

قالوتبي عمان ديرة لجانيب

قلت اتركه جعله يجيه الذهابي

قالوتبي جده وازين التعاجيب

قلت اسكتوا مالي بذاك الترابي

قالوتبي الطايف وتيك المهاضيب

واقول انا مالي بتيك الهضابي

قالوتبي ..دار بها العيب

دار بها عز النسا والعيب عليكعيب عليكعيب عليكعيب عليكي

قلت اه مبغى ديرة تقرب الشيب

لي حلها الطيب تكسف وشابي

قاوا العراق وقلت مالي به اصحيب

وقال الكويت وقلت انا والله مابي

ابغى الجنوب ابلاد حرش العراقيب

تلقى الحطب فيها وحلو الشرابي

وودي معى ربعي على الخبث والطيب

لو كان في قبر هيام الترابي

ياراكب حمرا خيار المناديب

عملية واللي عليها شبابي

حمرا متينه مهدفات العراقيب

صغيرة النسنوس والعيز نابي

حمرا مناضرها تشاد المشاهيب

وان اقبلت كنها خريش الذيابي

حمرا تقول امبرقع توماجيب

يشهر يبي من حيثهو كان رابي

حمرا تشاد البنت وسط العابيب

في العيد لي لبست جديد الثيابي

حمرا الى صلبت عليها المصاليب

تقفي معى السربه تبوج السرابي

تنصى لنا ربع كرام معاطيب

تقع الصغن وماس لي جا حرابي

اهل بيوت شيدت في القناتيب

تلقى منازلهم بروس العذابي

تلقى الرجال اللي تعرف المواجيب

تلقى المعزه عندهم والطرابي

تلقى لمنك جيت هلا وترحيب

والبن يعمل في الدلال العذابي

وتلقى الشحم والبر تحت المعاصيب

ذي حايل تذبح ولخرى تجابي

الكل منهم ياخذ المدح تغصيب

مافيهم اللي في المراجل يغابي

اسلم وسلم لي سلام المناديب

عد الشجر وعداد وبل السحابي

ثم خص عذب نابزه في لساليب

ايته خفي واعلمه بالجوابي

ياعود موز ناعم فلدباديب

عليه جاري الماوخده رغابي

وبطينها يشبه جديد المضاريب

والخد قرطاس بوسط الكتابي

حلفت لاتلتم بيض الرعابيب

ماخلق مثل الزين بين وغابي

لاهي بثبجى من كبار الجناحيب

كبر مثانيهم جلال العلابي

ولابهزعى من حداد العراقيب

نسل الفقار ودارسين الشبابي

اخيار من تبدي له الشمس وتغيب

وخيار من غط القدم في الترابي

حلفت ياقدام يطلع بي الشيب

مترك هوى الخفرات بين وغابي