يــــاالله يــــامطلوب يـــادافع البلا = يــــاخـــالق نفسي وجاب الهدى لها

سريع الفرج يستاهل الحمد والثنا = اللي خلق الاراض وأرسى اجبالها

تفرج لعين عــافت النـوم والكرى = تعذبت مـــن غيــر شــي جـرالهـــا

لاكن تبــرق فـــي علـــوم تشوفها = في وقتها الموجود واللي مضى لها

ابـن الغليسي هـاض طيب سوالفه = مثــــايل تجــــــارب ينعنـــى لهـــا

مـــــاقولها الاقد عرفنـــا رسومها = اجيب صــــافيها واخلــــي حثـالها

يـــاسالم اوصيك واحفظ وصيتي = وصية من صـــاحب العـرف قالها

اوصيـــك لاتتبع هـروج النميمـه = يفضحك عنـد النـــاس قالت وقـالها

واوصيك عن بنت الردي لاتضمها = خلها تــولي لايـــغرك جمــــالها

يــــاتي ولدها نـاقص في مراجله = تمضي عليــه المرجله ماحتسـا لها

تـرى الردي قد جربـوه المجربه = كمى العوسجه محد يجي في ظلالها

وتـــرى الردي قد جربوه المجربه = كمى الهــزيله مــايفيدك هضالها

لاتـــاخذ الا بنت قــــرم مجـــرب = مــــاتحتسف لي جاو دونٍ عوالها

تــــرى الشلي قد جربوه المجربه = مثل الجمـل بين الحمول ارتكى لها

اسمح لابــــن عمك خطايـاه كلها = إلا ثـــلاث تفضحك لــي مشى لهـا

امـــــا ذبح عانيــــك والا جويرك = والا تعمد حرمتك ثــم ســـرى لها

هذي ثــــلاث ترخص الروح دونها = والنفس مـــابقيت ولا بقي مالها

تــــرى بني عمـك يمضيــك فعلهم = وترى سمان الخيل تحمى هزالها

لـــي جـاك محتمل فخلك تســاعده = بقعـــا تــرى محذافها في شمـالهـا

لـــي جـــاتك أيـــــام الرخا فاستتمها = تـرى ليالي العسر تصبح بدالها

ليــــاليٍ تــــاتيك غـُــدرٍ ومظلمـــه = وليــــاليٍ تــــاتيك صافي هلالهـا

لــــي شفت امور عادلات من السنع = فخلها تــذب الريـع مالك ومالها

وان رحت لك من ديرة صوب ديرة = فأنص القروم وخل عنك أنذالها

تمسك بحبل الله وأحفظ جوارحك = واخبر ترى اليمنى تحاسب شمالها

خــــالك لمنه جــــاك يطلبك حاجه = عطها ليـــا صـارت يميتك تنالها

أوصيك في أمك يا فتى الجود عزها = ترى الأم يامشكاي ما ينجفى لها

تسعة شهــور بين الانجـاف شلتك = وعـامين زادك من شناشين حالها

أن شــــافتك بالضر يـــزداد حزنها = وان شــافتك بـالخير ينساح بالها

وان جاك برد حطتك وسط ثوبها = وان جاك شمس حطتك في ظلالها

تــذري عليك دموعها وانت حاضر = فلي جا لك ايشٍ باح باقي هبالها

مـــن شلت الطيب فلا هــي بنــادمه = ومن شلت المثبــور واعزتـا لها

تــرى الطيب اللــي طيب عند والده = ويسمح بني عمه ويدرى خمالها

وختم الجــواب اقـول صلوا على النبي = اعداد ماهل المطر من خيالها