بين الحنايا 341 قال من بين الحنايا جال همه من لهيبن بالحشا يشعل اشعالي من كثر ضيقه تزايد ضغط دمه من صواديف الزمن ماهو بسالي والوجع قلبن بلی لايام خمه حظ من قلبه من الاوجاع خالي من سبب وقتن جلب حزنه وغمه عزي لحاله ويا عزي لحالي اشهد ان تالي الزمن جاب المطمه انقلب حاله وصايبه اختلالي به تسيد كل مفرودن من امه وشاخت ضباع الخلا به والثعالي والردي كبر علی راسه معمه وعد نفسه من مداغيش العيالي والمراجل كايده بيرن وجمه منهلن ما ناشه قصار الحبالي الصقر طبعه يتوق لكل قمه رف جنحانه وحوم بالعلالي من طمان القاع له شومه وزمه ماكره في كل رجم ورآاس عالي الكفو للعز به عزمن وهمه ما توطي هامته سود الليالي يوم هافي الحيل خاب ومايهمه غير هرجن بالقفا قاالت وقالي شغلته بين البشر نقال نمه مثله وشرواه جعله للزوالي انت ياللي متجه من غير يمه خاب منهاجك وغااشيك الظلالي اختلف علمك وضيعت المهمه وهيفت شمسك ودنت للزواالي عيبك ان مابك ضمير ولا اي ذمه نيتك سودا وللهزله مواالي والوجيه اللي تباري لك مرمه ماتفرق في الحرام وفي الحلالي جعل ناب الداب فيك يبث سمه ويتمثنی منحرك حدب السلالي مجلسن جاء للهلايم فيه لمه من عقب مايجمع زحول الرجالي ذا زمانن بدل الفتحه بضم كل علمن فيه يدرج بالريالي كم رفع بالمال جلحوطن ورمه مثله اول ما تصب له الدلالي ما بقی غير اختم لقافي واتمه والسلام ختام هرجي والمقالي
ملحمة نجران