بسم رب الكون ببدا قبل مبدا بالبدايع

الكريم الي مرد الروح له وعبادتي له

ربنا الي كلشي بمره وحن عنده ودايع

عالمن بسرارنا ويحيل بمره كل حيله

مانسير الا بتدبير الولي ولكل طايع

ومن عصى ربه يتيه ولا لقي غيره دليله

بعدها نذكر نبينا الي لنا هادي وشافع

ومن يخالف منهجه ماله الى ربه وسيله

ونحمدالله طول ماكوكب زحل فالعرش والع

وطول مانجم الجدي مرشد ولسّاري دليله

نحمدالله نعمة الاسلام من طالع لطالع

وجعلها تبطي وهي نعمه على العالم جليله

وعشت ياقايد مسيرتنا وللعدوان رادع

الملك سلمان ماتصعب عليه المستحيله

صاينٍ عرض الوطن من حكمته والسيف بارع

ويلطم العيّال ويفرق عميلٍ من عميله

وعاش عضده واليمين الي على العزه يدافع

في ولي العهد رؤية خير بمر الله وحيله

الكرامه والتقدم والامن والخير واسع

وله نوايا في صروح وفخر والله لا يزيله

بعدها يامرحبا بضيوفنا والليل رايع

مرحباً يرقى على روس المشاريف الطويله

مرحباً باللي حضر ذليل في تكريم مانع

من وفاه وحن لي عنده لزوم نجي وهي له

ومرحبا ترحيب نثني فيه لدكتور مانع

فارس الليله ومحتفلين به جمع القبيله

من نهج درب العلوم الي يجي منها منافع

يلتمس منها الاجر ولا يبين بها جميله

عاش راسٍ فاز بالتتويج ماعنده تراجع

غير بت وعاد بعلوم الفخر يشعب رحيله

وبعد فضل الله يعود الشكر للاب المتابع

مثل ابوك اللي تأمل فيك وركا لثقيله

وايلي يثبت وجوده فاللوازم والمنافع

ضاري ان بالطيب لهل الطيب ويمينه طويله

نسل عودٍ في يمينه للكرم والجود طابع

منهل الضيفان وقسا راس من حيد المسيله

والبشاشه في محيّا عمي وعنده مجامع

مايمل من المسيّر في مساء ولا مقيله

والله اني خابر انه بيننا مثل المصارع

ليلتن نلقاه يسهر بيننا ليله جميله

نفس الله منزله في روضة انهار ومنابع

بين حورٍ من بغا منهم يضويها حليله

اكرم الله مكرم الهشال عاد الوقت جايع

جعله الله من هل الفردوس واصحاب الفضيله

ودي اذكر لابتي بفعالهم والراس رافع

واصخل الجزله لهم ولا اعناهم بل هزيله

كل رجالن يمّجد لابته مافيه مانع

عزوتي بين العرب وآصل نسب واعرق قبيله

والختم صلو على المختار محمود الطبايع

عد ماهل المطر وأحيا النبات وسال سيله