مثل معتقد في شر يشمل وخير ايخص

ونا اقول تا ثيرالاوادم مجالسها

ويقول المثل ماينجبر لزجاجه شص

وانا اقول كسر القوم من كسر فارسها

ويقولون من يمسك حلاله بخيل ولص

وانا اقول عز الروس قوت متارسها

والعمال من نياتها والحياه فرص

ولنفس دمار الطيب فيها حسايسها

فيارب لا تكتب لنا بالاسائه نص

وليضاقت الدنيا علينا تنفسها

يامنشي مخال ان له تزرجام كنه اخرص

ويرزم على وجه البسيطه وجايسها

تناطح نصوبه ويتداخل ومتخلبص

وينوش السما والقاع كنه يلا مسها

تركز بروقه كنها فسحاب اتقص

وتشخل مزونه من غثيره نسايسها

وغزير ان بوَبله والبرد فيه كنه ايحص

وجباله تشنشن والمرابيخ مايسها

يشيب العيون ومن خرج يستخيله كص

وماعين من هدوم انتذري تنكسها

من مدتك وبفيض جودك توفي النقص

يا كافل ان ارزاق خلقه واحارسها

يامن شكيت الحال له خص والمختص

عليم الظواهر والبواطن و باخسها

ماغيرك يجيب ولا يودي ولا يقتص

يا منتها الاعمال واللي يمارسها

وكلن بحصه والبشر كلها تحتص

في يوم انت وحدك مختبرها ورايسها

في يومك الماعود تحشر لبابك رص

والا نفس تنفع نفس ولاتنافسها

قدهم لعطفك والعفو كل عين اتبص

طلعو عن الدنيا الدنيه وبايسها

قد الضالم اللي ينتهز فالضعوف فرص

يعد الذنوب اللي من اول تلبسها

وقد من كلا فيها حلال العباد يغص

ويبغا رضاها بعد ما كان حايسها

ويبغا قضا ما كل ولا عاد عنده نص

ولا عاد له مخرج وحيله يسايسها

قد هو مصلب للمحاسب ولا يفحص

معا اللي يسجل في حياته ولا يسها

والمتقي برات وجهه برات الفص

راعي السيره اللي في حياته مقايسها

على طاعت الله حرص ومن المعاصي حرص

ولا ملا من غيض نفسه مكابسها

وشكوا على غيرك ورجواه ضعف ونقص

وامل الملحدين اللي تناجي كنايسها

ختمت الكلام وجعني بالعمل مخلص

وذكر النبي من ضيق نفسي يونسها

وصلو على المختار واله صلاتن خص

اخيار وبرار ان وليها مقدسها