يالله يا مطلوب يا مسبر النية

يا كاتب خمسة فروض نصليها

الشفع والتسبيح عنده لها نية 

يا مبختك لي مت يا تاعب فيها

مخلوق برق فالشجر كيف جاء فيه

فالصبح يسندها وفالعصر ينحيها

يا والله اللي نايش خاطري كيه 

لا ودي اكنيها ولا ودي افضيها

عزي لمن طاحت سنونه من لحيه 

والحيد والموجاه قدهي مراهيها

ياهل الركاب اللي سنعكم شماليه 

لي حاجة غانت وآرب عندكم فيها

شي حاجتي بين الحجاجين ماريه 

ماهي تغر الصقر لما افتكر فيها

وشي حاجتي فالحقو هطفا وجنبيه

وشوفوا له اسمين ولا ايش يغاويها

واهل الحرار السود راحوا حجازية

في حكم عبد يلعب الدينقه فيها

يا عــد ياللي مدهل للوعيلية 

ما عاد به بد نحزم العلق فيها

ماعاد كون الذيب شرف على طيه 

وان غاب منها الذيب لعب الثعل فيها

من جر ثار للحبط ما بقى نيه

ما عاد كون الصيد ترعى قفاريها