انا اوافقك باالراي يالشاعر المقدام

ذكرهنت فعل اللي يمجد وهو غايب

كبر المراجل ماتجي من كبر لجسام

تجي من طناخة راس ولا من الشايب

ومحمد جمعها جعلها تمهله ليام

وحياالله ذا الشارب وحيا الله ذا الشارب

شوارب على روس ان تزم الفخر قدام

ولاهي تعود للورا نعن ابو الكاذب

علي الحلال ان كل ماقلت يا الضرغام

صحيح ولا يحتاج قاري ولا كاتب

ورجل ان يقول الصدق له مني السلام

وراعي التصنع با الحكا يعتبر عايب

تحيه لكم مني ترفرف بها لعلام

ولمثالكم قول الجزاله علي واجب

اجاري كبار الروس ماني مجاري اقزام

ولي خذت علم الشيخ ماهمني النايب

هرج الحقيقه يطلق الوجه يبن ابقام

وكلام ان بلا برهان من صاحبه خايب

واللي يبا يضهر على ساحة الاعلام

وهو ماصدق في منطقه ويشو جايب

والشعر له مبدا ومنها وفيه احكام

وسلم العرب مايمشي الا على الصايب

نحفظ عوايدنا ونحسب خطالقدام

لازم نوازنها على موجب وسالب

وحق الكريم اللي يرد الثنا لكرام

ما يجحده كون اسود الوجه والسايب