قصيدة الشاعر راشد ابن الذيب العجمي والد الشاعر محمد ابن الذيب والتي قالها

بعد انتهاء حرب الوديعه حيث يذكر فيها ابطال تلك الحرب ومنهم

المرحوم الرائد / صامد النصار الشراري

مخيل منشي ورده سحابه=على ذيك المواقع خابرينه=

براريقه مدافعنا الثقيله=وشهب يشربن حاضر ودينه

الأماره فعلهم كلن درابه=زمام الحرب صاروا محتضينه(1)

صعوبتها تلقاها الشويعر(2)=وقف وقفت عديمِ زاهمينه

ثلاث ايام بالجبهه لحاله=يحد جموعهم والله عوينه

هل البيعه رجال الداخليه=فعايلهم ووقفتهم ثمينه

بهم ركضات ابو زيد الهلالي=ولهم هومات وضلوع متينه

رجال من نواهم بالعداوه=يجيبون العمار صبي عينه

هبيل القلب ياللي يحسبنا=تروح حقوقنا عنده غبينه

طراد الحارثي(3) ثبت وجوده=زعيم تثبت الغاره سنينه

ولحق حنيش(4)والقايد بديره(5)=رع المدفع غدوا متسابقينه

وقال حنيش خله لي وانا لك=ادوسه بالقدم واقطع وثينه

على الأشهاد فعل الجيش بيّن=يعدونه رجال حاضرينه

تقدم والحرس قدم جنوده=لذاك اليوم منسي (6) ذاخرينه

عقيد تمشي الفرقه برايه=تقدم والأسود مساندينه

(تبين فعل قوات السواحل=مشو يم المعادي محتسينه

مشو بسلاحهم عطب الضرايب=على جبهة عدن ذيك العيينه

تقدم بأول الطابور صامد(7)=عليه من الأسد وصفِ وعينه)

وعلى مثل القطا لحقوا نشاما=سلاح الجو ضربه حافظينه

من آل سعود وعيال السدارى=سدارى هوش بقلوبِ رزينه

بعد ماجونا خطلان الأيدي=رمينا كل حملِ شايلينه

توسع شوفنا وأقفى المعادي=تريحنا وهم متوسقينه(8)

صواريخِ تفجر من عياها=وأهلها ضربها متعلمينه

يقولون الوطن حنّا حماته=على فم الحسود مطهرينه

حموا دار الشرف عن كل باغي=وأهلهم من قديم محتمينه

جيوش من حربهم ماتهنا=عليهم بدلة العز الحصينه

مشى خالد بجيش العز كنّه=جيوش ابن الوليد مدربينه

وذا خالد وذاك اليوم خالد=تساوى الفعل عند مجربينه

تسير براي مقدمها السديري=اميرا من تعادى له يضيمه

تقدم بالجيوش وبالسرايا=خذا الطولات خالد من يقينه

تقدم يوم كساب المصالح=مشى للقاهره(9) خابت يدينه

حدر راية ملك نجد وحماته=رعاه الله في ظله بعينه

دعى الاسلام من كل النواحي=هدي والهادي الله يعينه

دعى الاسلام واعلن بالتضامن=على الدين الحنيف موحدينه

خليفة من تبع سنة محمد=ولا له غير شرع الله ضنينه(10)

حبيب الشعب في كل الجزيره=سوى من جنب السنه يهينه

مشى بالعز في مجد العروبه=بكفِ من فعايلها مكينه

بكف سجل التاريخ منها=لها مجد العروبه راسمينه

فعايله القديمه يشهدني=بتاج المجد سجل في جبينه

له التاريخ يشهد بالحقايق=يداوي علته بمعاندينه

صليب الراي حلال النشايب=تعدى حيط بحر غايصينه

يخوضه بالقدم حتى صفاله=وهم من قبل كانوا هاينينه

عصى موسى على الملحد رماها=رعاه الله ومدد في سنينه

ملك يسهر وشعبه ماتوانى=نصره الله واخزى حاسدينه

حفظك الله يافيصل ملكنا=لتحفظ حقنا من طامعينه

ولي العهد سيف في يمينك=لصكات اللوازم ذاخرينه

حليف المرجله دنيا ودين=حريب للردى ومدورينه

صدوق اليا هرج باالقيل ياتي=هل العرف الوثيق مجربينه

ترى عبدالعزيز الى بناها=على وضح النقا ماخاب دينه

من اقصى الشرق لآخر مستواها=تخاضع له رجال حاربينه

شديد يوم حزات الشدايد=وفي الأسلام محدن لان لينه

ملك مافي ملوك العرب مثله=ولا في الخلق لأبن سعود عينه

احمد اللي جعل بعده عياله=مشوا مشيه وذكره رافعينه

بعد ماغاب ماخيبوا املنا=تقول الكل منهم ناخبينه

ليا عدوا رجاجيل النوايب=صغير السن منهم حاسدينه

حموا دار المعزه والكرامه=وكسو بيت الأله وصاينينه

نيابه عن رجال الداخليه=ولا غير الله احد نستعينه

على ماقلت بالله سامحوني=قليل الحق يصلك لسمينه