عمار يادار تربي ذا البكار

الوضح عز المال كل مخرطمه

وسيعة الخده ونابيت الفقار

والزين منها ماتدلا برطمه

تعرض مزاياها على هل لنتظار

وترشحت باالفوز كاسه وعلمه

والفوز والله من طويلين العمار

اللي اكرمو الرجال وابله وغنمه

حكامنا اللي حكمهم كار ووقار

عز الوطن ويعز منهم محزمه

ترثة معزي اللي بمثل اليوم ثار

ومدد مناكبها بسيفه وقلمه

وتوارثوه اهل الشجاعه والحرار

من جا مجاله نفذ اللي يلزمه

لي عند سلمان الحزم سيف الفقار

معروف ماتمشي عليه المبهمه

وعضيده الملهم بروئيه وابتكار

اشار ابو متعب عليه وعلمه

قال تحكم شعبك ولا فيها قرار

نظرة ملك عادل وثيقن ملزمه

ولحرار ووجيه السفر تعرف صغار

فيهم من الله اشياء ماهي بمعممه

وصدق حكيم الراي واللي قال صار

حاكم حكيم وكل شعبه يفهمه

محمد عساه من انتصار الى انتصار

الله يحميه من كل شر ويسلمه

وارها وطنا لين صار اكبر مزار

وصرنا بعز وخير ماحن نحلمه

سر ياوطن ومن ازدهار الى ازدهار

ومواطنك من مكرمه لي مكرمه

نثني عليك ودونك انبيع العمار

وفي راي قايدنا نطبق لنظمه

وشيبانا عند الحضا ترجع غمار

على الحدود مقاتله ومصرمه

ونرسي ولانرتد لي ثار الغبار

وننخا المتلي في المسير ونزهمه

ومنبار فالله يبور في راعي البوار

ولا حسبناله وجوده وعدمه