ليت قاموس التسامح يباع ونشتريه

من ركز نفسه لعد الصواقط ذلها

ترفع الهقوات واما الزمن لابد فيه

وركعتين اجر وتغافل يامومن صلها

وجلاملا يخطي ولاهو يشاف العيب فيه

وعاش راس اللي لما اخطا المقادي دلها

ودام عز اللي على الطيب والرفعه وجيه

وتحلحل له علوم ان صعيب ان حلها

ابلج ان باالفهم والصدق والمبدا نزيه

ويمتثلك باالعزاز القوا ويفلها

وكل ماعنده سهيل وبسيط وما عليه

والكبار يزلها والصغار يزلها

ويترك اللي له ولاهو يخلي شي عليه

ويدعس دروب الحفا باالوفاء ماملها

ها كذا منهو يبرهن من افعاله خفيه

وعينتن ماهي بمثله عساالله يقلها

ويوم للمخلوق بالفعل والثاني عليه

واشهد ان راعي المثايل صدق مغتلها

وجعل حن من يحتكم لصواب ويرتضيه

ومن تجاوز في دقاق الامور وجلها

وناخذ العبره من افعال بيضان الوجيه

ولانجي من من لما انها الدعاوي علها

وحن بشربالله ونهج النبي صلو عليه

وفز بها يامستمعني ولخرا خلها